Ntr జిల్లా విజయవాడ ఇంద్రకీలాద్రిపై ఏడు రోజుల్లో 14 లక్షల లడ్డూల విక్రయం

Ntr జిల్లా విజయవాడ ఇంద్రకీలాద్రి శ్రీ కనకదుర్గమ్మ దసరా ఉత్సవాల్లో తొలి ఏడు రోజుల్లో 14,11,393 లడ్డూ ప్రసాదాలు అమ్ముడయ్యాయి. అక్టోబరు 11 నుంచి 17వ తేదీ వరకు భక్తుల రద్దీ పెరగడంతో దేవస్థానం అధికారులు ఈ వివరాలను వెల్లడించారు. మూలా నక్షత్రం రోజున గరిష్ఠంగా 3.15 లక్షలకు పైగా లడ్డూలు విక్రయమయ్యాయి. భక్తుల సౌకర్యార్థం అధికారులు కొండపై, బస్టాండ్, రైల్వే స్టేషన్లలో మొత్తం 19 కౌంటర్లు ఏర్పాటు చేశారు. మున్ముందు భవానీ దీక్షాపరుల రాక పెరగనుండటంతో మరో 30 లక్షల లడ్డూలను సిద్ధం చేస్తున్నారు.