ఎడిటోరియల్ పాలసీ

ఈ పేజీ మా న్యూస్‌రూమ్ నియమాలను పాఠకులకు బహిరంగంగా చెబుతుంది. ప్రతి రిపోర్టర్, ఎడిటర్ వీటికి కట్టుబడి ఉంటారు.

వార్తల సేకరణ

• ప్రతి కథనం మా జిల్లా రిపోర్టర్ నుంచి వస్తుంది: ఘటనా స్థలం నుంచి ఫోటోలు, అధికారులు లేదా ప్రత్యక్ష సాక్షుల మాటలు, తేదీ, ప్రదేశం.
• రిపోర్టర్ పేరు, జిల్లా ప్రతి కథనంపై ఉంటాయి. పేరులేని కథనాలు ప్రచురించం.
• ప్రభుత్వ ప్రకటనలు, నోటిఫికేషన్లు అధికారిక మూలం (ఉత్తర్వు, వెబ్‌సైట్, ప్రెస్ నోట్) ఆధారంగానే రాస్తాం.
• సోషల్ మీడియాలో తిరుగుతున్న సమాచారం ధృవీకరించకుండా వార్తగా రాయం.

ధృవీకరణ

• ఒక వ్యక్తిపై ఆరోపణ ఉంటే ఆ వ్యక్తి లేదా సంబంధిత అధికారి స్పందన కోరతాం; స్పందన లేకపోతే అది కథనంలో చెబుతాం.
• గణాంకాలు, తేదీలు, పేర్లు, హోదాలు ఎడిటర్ తిరిగి సరిచూస్తారు.
• ఫోటోలు ఘటనకు సంబంధించినవే వాడతాం. ప్రతీకాత్మక ఫోటో వాడితే "ప్రతీకాత్మక చిత్రం" అని గుర్తిస్తాం.
• ఎడిటర్ ఆమోదం లేని కథనం ప్రచురితం కాదు — ఇది సాంకేతికంగా కూడా అమలవుతుంది.

AI వినియోగం — పూర్తి పారదర్శకత

• రిపోర్టర్ నోట్స్‌ను పూర్తి తెలుగు కథనంగా రాయడానికి, ఇంగ్లిష్‌లోకి అనువదించడానికి, 60 పదాల చిన్న సారాంశం తయారు చేయడానికి మేము Google Gemini ను ఉపయోగిస్తాం.
• AI కి రిపోర్టర్ ఇచ్చిన వాస్తవాలు మాత్రమే ఉంటాయి; కొత్త వాస్తవాలు, కోట్‌లు, సంఖ్యలు జోడించకూడదని నిర్దేశిస్తాం. జోడిస్తే రిపోర్టర్, ఎడిటర్ తొలగిస్తారు.
• రిపోర్టర్ AI డ్రాఫ్ట్‌ను చదివి సరిదిద్దిన తర్వాతే సబ్మిట్ చేస్తారు; ఎడిటర్ మళ్లీ చదివి ఆమోదిస్తారు. ప్రచురించిన ప్రతి పదానికి బాధ్యత మనుషులదే.
• ఫోటోలు AI తో తయారు చేయం, మార్చం. కత్తిరించడం, వెలుతురు సరిచేయడం మాత్రమే.

సరిదిద్దడం

తప్పులు జరిగితే దాచం. కథనం సవరించి, ఏం మార్చామో కథనం చివర తెలియజేస్తాం. పూర్తి విధానం కరెక్షన్స్ పేజీలో ఉంది.

స్వతంత్రత, ప్రకటనలు

• వార్తల ఎంపిక, రాత ఎడిటర్ల చేతిలోనే. ప్రకటనదారులు, రాజకీయ పార్టీలు, మా సొంత వ్యాపారాలు (నిపుణ్ ఇండియా స్కిల్ హబ్, నిపుణ్ స్కూల్స్) వార్తలను ప్రభావితం చేయలేవు.
• ప్రకటనలు "ప్రకటన" అనే లేబుల్‌తో, వార్తల నుంచి వేరుగా కనిపిస్తాయి. స్పాన్సర్డ్ కంటెంట్ ఉంటే "స్పాన్సర్డ్" అని స్పష్టంగా ఉంటుంది.
• మా సొంత సంస్థల గురించి రాసినప్పుడు ఆ సంబంధాన్ని కథనంలోనే చెబుతాం.
• రిపోర్టర్లు కవర్ చేసే వ్యక్తులు, సంస్థల నుంచి బహుమతులు, డబ్బు తీసుకోరు.

సున్నిత అంశాలు

• బాధితుల, పిల్లల, లైంగిక నేరాల బాధితుల పేర్లు, ఫోటోలు ప్రచురించం.
• ఆత్మహత్యల వార్తల్లో పద్ధతి వివరాలు ఇవ్వం; సహాయ నంబర్లు జోడిస్తాం.
• మతం, కులం, ప్రాంతం ఆధారంగా విద్వేషం రెచ్చగొట్టే భాష వాడం.
• నిందితులను కోర్టు శిక్ష విధించే వరకు "నిందితుడు" అనే అంటాం.

పాఠకుల పాత్ర

వార్తా సూచనలు, తప్పుల గురించి సమాచారం info@nipunindia.com కు పంపండి. ప్రతి మెయిల్ ఎడిటర్ చదువుతారు.