అనంతపురంలో మేయర్, డివిజన్ స్థానాల నామినేషన్ల పరిశీలన పూర్తి

అనంతపురం నగరపాలక సంస్థ ఎన్నికల్లో మేయర్, డివిజన్ స్థానాలకు దాఖలైన నామినేషన్ల పరిశీలన ప్రక్రియ పూర్తయిందని కమిషనర్ ఎం. జస్వంత్ రావు తెలిపారు. అధికారుల బృందం ఎన్నికల నిబంధనలకు లోబడి మేయర్ పదవికి 29, అలాగే 62 డివిజన్లకు అందిన 460 నామినేషన్ల స్క్రూటినీని విజయవంతంగా పూర్తి చేశారు. ఈ నెల 16 నుంచి 18వ తేదీ వరకు ఆశావాహుల నుంచి నామినేషన్లను స్వీకరించారు. వీటిలో మేయర్ పదవికి 13 మంది స్వతంత్ర అభ్యర్థులు కూడా పోటీ పడుతున్నట్లు మున్సిపల్ అధికారులు వెల్లడించారు.