టైగర్ ష్రాఫ్‌పై కాల్పుల కేసులో ముగ్గురి అరెస్ట్

బాలీవుడ్ నటుడు టైగర్ ష్రాఫ్ కారుపై జరిగిన కాల్పుల ఘటనలో పోలీసులు ముగ్గురు నిందితులను అరెస్ట్ చేశారు. రాజస్థాన్‌లోని కోటా రైల్వే స్టేషన్‌లో హర్యానాకు చెందిన ఫుల్‌సింగ్, రెహాన్ తో పాటు ముంబైకి చెందిన రాపిడో డ్రైవర్ హృతిక్‌ను అదుపులోకి తీసుకున్నారు. నిందితులు దాడికి 20 రోజుల ముందే ముంబై వచ్చి రెక్కీ నిర్వహించినట్లు దర్యాప్తులో తేలింది. నేపాల్ పారిపోయేందుకు యత్నిస్తుండగా పట్టుబడిన వీరికి లారెన్స్ బిష్ణోయ్ ముఠాతో ఉన్న సంబంధాలపై పోలీసులు దర్యాప్తు చేస్తున్నారు.