లింగాల ఘణపురం నూతన ఎస్సైగా కల్తి కిషోర్ బాధ్యతల స్వీకరణ

జనగామ జిల్లాలోని లింగాల ఘణపురం పోలీస్ స్టేషన్ నూతన సబ్ ఇన్‌స్పెక్టర్‌గా కల్తి కిషోర్ బాధ్యతలు స్వీకరించారు. వరంగల్ పోలీస్ కమిషనరేట్ పరిధిలో జరిగిన బదిలీల్లో భాగంగా ఆయన హనుమకొండ నుంచి ఇక్కడికి వచ్చారు. మండలంలో శాంతిభద్రతల పరిరక్షణతో పాటు నేరాల నియంత్రణపై ప్రత్యేక దృష్టి సారిస్తానని ఆయన చెప్పారు. అసాంఘిక కార్యకలాపాలపై కఠిన చర్యలు తీసుకుంటానని, ప్రజలకు అందుబాటులో ఉంటానని తెలిపారు. నూతనంగా బాధ్యతలు స్వీకరించిన ఎస్సై కిషోర్‌కు స్థానిక పోలీస్ సిబ్బంది అభినందనలు తెలియజేశారు.