కుల్కచర్ల పోచమ్మ ఆలయంలో వైభవంగా ధ్వజస్తంభ ప్రతిష్ఠాపన ఉత్సవాలు

వికారాబాద్ జిల్లా కుల్కచర్ల మండల కేంద్రంలోని పోచమ్మ తల్లి ఆలయంలో ధ్వజస్తంభ ప్రతిష్ఠాపన ఉత్సవాలు శనివారం వైభవంగా ప్రారంభమయ్యాయి. వేద పురోహితుల ఆధ్వర్యంలో ఉదయం గణపతి పూజ, జలాభిషేకం, క్షేత్రపాలక నవగ్రహ సహిత ప్రధాన కలశ స్థాపన తదితర కార్యక్రమాలను నిర్వహించారు. ధ్వజస్తంభ దాత సుంకిరెడ్డి ప్రేమ్ ప్రకాష్ రెడ్డి, వెంకటేశ్వర్ రెడ్డి దంపతులు మరియు విగ్రహ దాత సుంకిరెడ్డి మాధవి మన్మోహన్ రెడ్డి ఈ పూజల్లో పాల్గొన్నారు. సాయంత్రం హరికథ, భజన కార్యక్రమాలను ఏర్పాటు చేశారు. ఆదివారం మూలమంత్ర జపాలు, సామూహిక హోమాలు, విగ్రహ ఊరేగింపు నిర్వహించనున్నట్లు ఆలయ కమిటీ ప్రతినిధులు తెలిపారు.