వెంకటాపురంలో భక్తిశ్రద్ధలతో ఘనంగా సాగిన మహా చండీ హోమం

మేడ్చల్-మల్కాజిగిరి జిల్లా ఘట్‌కేసర్ పరిధిలోని వెంకటాపురంలో మహా చండీ హోమం భక్తిశ్రద్ధలతో ఘనంగా జరిగింది. శ్రీదేవి శరన్నవరాత్రోత్సవాల సందర్భంగా అమ్మవారి మండపం వద్ద వేద పండితుల మంత్రోచ్ఛారణలు, ప్రత్యేక పూజల మధ్య ఈ కార్యక్రమాన్ని నిర్వహించారు. గ్రామ ప్రజలందరూ సుఖసంతోషాలు, ఆయురారోగ్యాలతో వర్ధిల్లాలని మరియు అమ్మవారి దివ్యానుగ్రహం అందరిపై ఉండాలని కోరుకుంటూ ఈ ఆధ్యాత్మిక కార్యక్రమాన్ని నిర్వహించారు. ఈ హోమంలో స్వాములు కందుల నవీన్ కుమార్ ముదిరాజ్, అందే అనంతరావు, చిలుక గణేష్, అందే శ్రీకాంత్, నీరుడి శ్రీనివాస్ తో పాటు స్థానిక భక్తులు పెద్ద సంఖ్యలో పాల్గొని పూజలు సమర్పించారు.