ఏపీలో ద్రోణి ప్రభావంతో వర్షాలు, పలు జిల్లాలకు రెయిన్ అలర్ట్

ఆంధ్రప్రదేశ్‌లో ద్రోణి ప్రభావంతో పలు ప్రాంతాల్లో విస్తారంగా వర్షాలు కురుస్తున్నాయి. గత 24 గంటల్లో అన్నమయ్య, చిత్తూరు జిల్లాల్లో భారీ వర్షాలు నమోదు కాగా, తిరుమలలో మోస్తరు వర్షం పడింది. రాబోయే రెండు రోజుల పాటు అంటే అక్టోబర్ 17, 18 తేదీలలో కోస్తాంధ్ర, రాయలసీమల్లో విస్తారంగా వర్షాలు కురిసే అవకాశం ఉందని ఐఎండీ తెలిపింది. ఆ తర్వాత అక్టోబర్ 19 నుంచి 23 వరకు తేలికపాటి జల్లులు పడవచ్చని వాతావరణ శాఖ పేర్కొంది. వర్ష సూచన నేపథ్యంలో ప్రజలు, రైతులు అప్రమత్తంగా ఉండాలని అధికారులు హెచ్చరించారు.