పోలవరం వద్ద గోదావరి నది నీరు నీలి రంగులోకి మారడానికి కల కారణాలు

ఆంధ్రప్రదేశ్‌లోని పోలవరం ప్రాజెక్టు వద్ద గోదావరి నది నీరు ఇటీవల నీలి రంగులోకి మారింది. వరద సమయంలో రాగి వర్ణంలో ఉన్న ఈ నీరు, ఇప్పుడు చాలా స్వచ్ఛంగా కనిపిస్తోందని స్థానికులు చెబుతున్నారు. ఎగువ ప్రాంతాల నుంచి నీటి ప్రవాహం తగ్గడం మరియు ఒండ్రు మట్టి కిందకు చేరడమే నీటి రంగు మారడానికి ప్రధాన కారణమని నిపుణులు పేర్కొన్నారు. గతంలో కూడా గోదావరి ఎగువ ప్రాంతాలలో నీరు ఈ విధంగా మారిన సందర్భాలు ఉన్నాయని తెలిపారు. ప్రస్తుతం నీటి నాణ్యతను సంబంధిత అధికారులు నిరంతరం పరిశీలిస్తున్నారు.