హైదరాబాద్‌ భవానీనగర్‌లో వైభవంగా సద్దుల బతుకమ్మ వేడుకలు

హైదరాబాద్‌లోని ఏఎస్ రావునగర్ డివిజన్ భవానీనగర్ కాలనీ కమ్యూనిటీ హాల్‌లో సద్దుల బతుకమ్మ వేడుకలు ఘనంగా జరిగాయి. 22వ వార్షిక శ్రీ దేవి శరన్నవరాత్రోత్సవాల సందర్భంగా స్థానిక మహిళలు పూల బతుకమ్మలతో ఆటపాటలతో ఈ ఉత్సవాలను నిర్వహించారు. ఆదివారం అమ్మవారు శ్రీ దుర్గాదేవి రూపంలో భక్తులకు దర్శనమిచ్చారని ఉత్సవ కమిటీ ప్రతినిధులు తెలిపారు. సోమవారం మహిషాసుర మర్దినిగా, మంగళవారం రాజేశ్వరి దేవిగా అమ్మవారిని అలంకరిస్తారని కన్వీనర్ నల్ల అనిత పేర్కొన్నారు. మంగళవారం సాయంత్రం శమీ పూజ, రావణ కాష్టం, దాండియా కార్యక్రమాలు ఉంటాయని వివరించారు.