హైదరాబాద్ సచివాలయంలో ఎల్‌నినోపై సమీక్షించిన మంత్రి ఉత్తమ్ కుమార్ రెడ్డి

హైదరాబాద్ సచివాలయంలో పౌరసరఫరాల శాఖ ఉన్నతాధికారులతో మంత్రి ఉత్తమ్ కుమార్ రెడ్డి సమీక్షా సమావేశం నిర్వహించారు. ఎల్‌నినో ప్రభావం వల్ల వర్షాభావ పరిస్థితులు ఎదురైనా తెలంగాణలో రేషన్ సరఫరాకు ఢోకా లేకుండా చర్యలు చేపడుతున్నారు. రాష్ట్రంలోని 3.42 కోట్ల మంది లబ్ధిదారుల కోసం 14 నెలల అవసరాలకు సరిపడా ఆహార ధాన్యాల బఫర్ నిల్వలను సిద్ధం చేస్తున్నారు. ఈ ప్రణాళిక ద్వారా 2027 సెప్టెంబరు వరకు బియ్యం కొరత రాకుండా చూడాలని అధికారులను మంత్రి ఆదేశించారు.