శేరిలింగంపల్లిలో అత్యంత వైభవంగా జరిగిన మెగా బతుకమ్మ వేడుకలు

శేరిలింగంపల్లి నియోజకవర్గంలోని వివేకానంద నగర్ డివిజన్ పరిధిలో సగర సంఘం ఆధ్వర్యంలో మెగా బతుకమ్మ సంబరాలు వైభవంగా జరిగాయి. ఈ వేడుకలకు శేరిలింగంపల్లి ఎమ్మెల్యే ఆరెకపూడి గాంధీ ముఖ్య అతిథిగా హాజరై జ్యోతి ప్రజ్వలన చేశారు. ఈ సందర్భంగా తెలంగాణ ఆడపడుచులకు, నియోజకవర్గ మహిళలకు ఆయన బతుకమ్మ పండుగ శుభాకాంక్షలు తెలిపారు. ప్రకృతిని ఆరాధించే ఈ విశిష్ట వేడుకలు మహిళల ఐక్యతకు ప్రతీక అని ఆయన పేర్కొన్నారు. కార్యక్రమాన్ని నిర్వహించిన సగర సంఘం ప్రతినిధులను ఎమ్మెల్యే అభినందించారు.