తిరుపతి టీటీడీ ఆధ్వర్యంలో కుప్పంలో మహాలక్ష్మి దీప పూజ వైభవం

చిత్తూరు జిల్లా కుప్పంలో తిరుమల తిరుపతి దేవస్థానం (టీ­టీ­డీ), హిందూ ధర్మ ప్రచార పరిషత్ ఆధ్వర్యంలో శ్రీ మహాలక్ష్మి దీప పూజ కార్యక్రమం వైభవంగా జరి­గిం­ది. కుప్పంలోని విలా­జా­పురం రోడ్ చెరువు కట్ట సమీపంలో ఏర్పాటు చేసిన ఈ ఆధ్యాత్మిక వేడుక భక్తుల గోవింద నామ­స్మ­ర­ణ­లతో నిండి­పో­యిం­ది.

ఈ కార్య­క్ర­మంలో ముఖ్యమంత్రి నారా చంద్రబాబు నాయుడు సతీమణి నారా భువ­నే­శ్వరి పాల్గొ­న్నా­రు. ఆమె సామాన్య భక్తు­రా­లిగా అమర్చిన పీఠం వద్ద ఆసీనులై ప్రత్యేక దీపా­రా­ధన పూజలు నిర్వ­హిం­చా­రు. ఈ వేడుకలో భువ­నే­శ్వ­రితో పాటు దాదాపు 16 వేల మంది మహిళా భక్తులు ఒకే వేదికపై సామూహిక దీపా­రా­ధ­నలో పాల్గొ­న్నా­రు.

వేద పండి­తు­లు, తిరుమల శ్రీవారి ఆలయ అర్చకుల మంత్రో­చ్ఛా­ర­ణల మధ్య ఈ కార్యక్రమం అత్యంత భక్తి­శ్ర­ద్ధ­లతో సాగింది. పూజలో పాల్గొన్న మహిళా భక్తులకు టీటీడీ అధి­కా­రులు పూజా సామాగ్రి కిట్లు, తీర్థ­ప్ర­సా­దాలు అంద­జే­శా­రు. ఉచితంగా పసుపు, కుంకుమ, అక్ష­త­లు, గాజులతో కూడిన ప్రత్యేక కిట్లను పంపిణీ చేశారు.

ఈ ఆధ్యాత్మిక కార్య­క్ర­మా­నికి టీటీడీ అదనపు ఈఓ సి.­హె­చ్. వెంకయ్య చౌదరి, జేఈఓ డాక్టర్ ఎ. శరత్ తదితర అధి­కా­రులు హాజ­ర­య్యా­రు. భక్తులకు ఎటువంటి ఇబ్బందులు కల­గ­కుండా తాగు­నీ­రు, మజ్జిగ, అన్న­ప్ర­సా­దాల పంపిణీ ఏర్పాట్లను అధి­కా­రులు దగ్గరుండి పర్య­వే­క్షిం­చా­రు.