భూ రీసర్వేతో సరిహద్దు వివాదాలకు ముగింపు: తహసీల్దార్ షాహిదా బేగం

రాష్ట్ర ప్రభుత్వం చేపట్టిన భూముల రీసర్వేతో ఏళ్ల తరబడి ఉన్న భూ వివాదాలకు శాశ్వత పరిష్కారం లభిస్తుందని వికారాబాద్ జిల్లా బషీరాబాద్ తహసీల్దార్ షాహిదా బేగం తెలిపారు. కుప్పన్‌కోడ్ గ్రామ పంచాయతీ కార్యాలయంలో శుక్రవారం నిర్వహించిన గ్రామసభలో ఆమె మాట్లాడారు. డ్రోన్లు, రోవర్ వంటి అత్యాధునిక పరికరాలతో పారదర్శకంగా ప్రతీ ఎకరా భూమికి కచ్చితమైన హద్దులు నిర్ణయిస్తున్నామని ఆమె స్పష్టం చేశారు. ఈ సర్వే సమర్థవంతంగా పూర్తయ్యేలా రైతులు తమ పాస్ పుస్తకాలు, ఆధార్ కార్డులతో పొలాల వద్ద అధికారులకు సహకరించాలని సూచించారు.