దుద్యాల్‌లో నిర్వాసిత రైతులకు పరిహారం చెక్కుల పంపిణీ

వికారాబాద్ జిల్లా దుద్యాల్ మండలంలో పారిశ్రామికవాడ కోసం భూములు ఇచ్చిన రైతులకు శనివారం నష్టపరిహార చెక్కులను అందజేశారు. తాండూరు ఆర్డీవో అనిత ఈ చెక్కులను బాధిత రైతులకు పంపిణీ చేశారు. పారిశ్రామిక కారిడార్ కోసం 100 ఎకరాలకు గాను 102 మంది రైతులకు ప్రభుత్వం పరిహారం అందించింది. మొత్తం 137 ఎకరాల అసైన్డ్ భూములకు ఎకరాకు రూ. 20 లక్షల చొప్పున పరిహారాన్ని ప్రభుత్వం నిర్ణయించింది. అభివృద్ధి పనులకు రైతులు స్వచ్ఛందంగా సహకరించడం అభినందనీయమని ఆర్డీవో పేర్కొన్నారు.