పశుసంవర్ధక శాఖలో ఖాళీలను భర్తీ చేయాలని ఎమ్మెల్యేకు వినతి

పశుసంవర్ధక శాఖను బలోపేతం చేసేందుకు ఖాళీగా ఉన్న పోస్టులను వెంటనే భర్తీ చేయాలని ఏపీ వెటర్నరీ విద్యార్థుల, గ్రాడ్యుయేట్ల సంఘం కోరింది. శ్రీకాకుళం జిల్లా పాతపట్నంలోని క్యాంపు కార్యాలయంలో స్థానిక ఎమ్మెల్యే మామిడి గోవిందరావును కలసి ప్రతినిధులు వినతిపత్రం అందజేశారు. జీరో వేకెన్సీ పాలసీ ద్వారా శాఖలోని ఖాళీలను భర్తీ చేయాలని వారు డిమాండ్ చేశారు. ముఖ్యంగా వెటర్నరీ అసిస్టెంట్ సర్జన్ పోస్టులను నిరంతరాయంగా భర్తీ చేయాలని సూచించారు. తమ సమస్యల పరిష్కారానికి ప్రభుత్వం చర్యలు తీసుకునేలా చొరవ చూపాలని ఎమ్మెల్యేను కోరారు.