మూడుచింతలపల్లి మున్సిపాలిటీ కార్యాలయంలో ఘనంగా బతుకమ్మ సంబరాల నిర్వహణ

శామీర్‌పేట పరిధిలోని మూడుచింతలపల్లి మున్సిపాలిటీ కార్యాలయ ఆవరణలో బతుకమ్మ వేడుకలు అంగరంగ వైభవంగా జరిగాయి. మెప్మా ఆధ్వర్యంలో నిర్వహించిన ఈ సంబరాలకు మున్సిపల్ చైర్మన్ జాం రవి అధ్యక్షత వహించగా కమిషనర్ జి. వెంకట గోపాల్ పర్యవేక్షించారు. స్థానిక మహిళలు, ఆర్‌పీలు పెద్ద సంఖ్యలో పాల్గొని సంప్రదాయ దుస్తులతో ఆటపాటలతో సందడి చేశారు. వివిధ విభాగాల్లో ప్రతిభ చూపిన మహిళలకు చైర్మన్ జాం రవి బహుమతులు అందించారు. తెలంగాణ సంస్కృతీ సంప్రదాయాలను భావితరాలకు అందించాలని ఆయన పిలుపునిచ్చారు.