ఏపీ మునిసిపల్ ఎన్నికల అభ్యర్థుల జాబితాపై అక్టోబర్ 25 వరకు సుప్రీంకోర్టు స్టే

ఆంధ్ర­ప్ర­దేశ్ ముని­సి­పల్ ఎన్నికల అభ్యర్థుల జాబితా విడు­ద­లపై సుప్రీంకోర్టు తాత్కా­లి­కంగా స్టే విధిం­చిం­ది. ఈ నిలి­పి­వేత ఉత్తర్వులు అక్టోబర్ 25 వరకు అమల్లో ఉంటాయని అత్యున్నత న్యాయస్థానం స్పష్టం చేసింది. తదుపరి ఆదేశాలు జారీ చేసేం­త­వ­రకు అభ్యర్థుల జాబితాను ప్రక­టిం­చ­వ­ద్దని అధి­కా­రు­లను కోర్టు ఆదే­శిం­చిం­ది.

నామి­నే­షన్లు వేయకుండా తమ పార్టీ అభ్య­ర్థు­లను భయాం­దో­ళ­న­లకు గురిచేసి అడ్డు­కు­న్నా­రంటూ వైఎస్సార్ కాంగ్రెస్ పార్టీ (వై­సీ­పీ) దాఖలు చేసిన పిటి­ష­న్‌పై జస్టిస్ జోయ్‌మల్యా బాగ్చీ, జస్టిస్ వి. మోహ­న­లతో కూడిన సుప్రీంకోర్టు ధర్మాసనం విచారణ చేప­ట్టిం­ది. స్థానిక సంస్థల ఎన్నికల ప్రక్రియలో తలెత్తిన కీలక న్యాయ­ప­ర­మైన అంశాలపై సుప్రీంకోర్టు లోతుగా విచారణ జరి­పిం­ది.

ఎన్నికలు స్వేచ్ఛగా, పార­ద­ర్శ­కంగా జరగడం రాజ్యాంగ ప్రాథమిక సూత్రమని ధర్మాసనం వ్యాఖ్యా­నిం­చిం­ది. వైసీపీ లేవ­నె­త్తిన ఫిర్యా­దు­లు, ఆధా­రా­లను పరి­శీ­లించి అక్టోబర్ 22 నాటికి నిర్ణయం తీసు­కో­వా­లని రాష్ట్ర ఎన్నికల సంఘాన్ని (ఎ­స్­ఈ­సీ) ఆదే­శిం­చిం­ది. నామి­నే­షన్ల గడువు పొడిగిస్తే అభ్య­ర్థు­లకు నామి­నే­షన్ దాఖలు చేయ­డా­నికి కనీసం 48 గంటల సమయం కేటా­యిం­చా­లని స్పష్టం చేసింది.

అలాగే నామి­నే­షన్ కేంద్రాల వద్ద సీసీటీవీ కెమెరాలు ఏర్పాటు చేయా­ల­ని, పోటీ చేసే అభ్య­ర్థు­లకు తగిన రక్షణ కల్పిం­చా­లని ఆంధ్ర­ప్ర­దేశ్ డీజీపీని సుప్రీంకోర్టు ఆదే­శిం­చిం­ది. ఈ వివాదంపై అక్టోబర్ 25న న్యాయస్థానం మళ్లీ విచారణ జరిపి తదుపరి నిర్ణయం తీసు­కో­నుం­ది­ర.