ఇరాన్‌పై ఇజ్రాయెల్ భారీ దాడి ప్రణాళికను వద్దన్న అమెరికా అధ్యక్షుడు ట్రంప్

ఇరా­న్‌­లోని కీలక లక్ష్యాలపై అక్టోబర్ 10న తీవ్రమైన దాడులు చేయ­డా­నికి ఇజ్రాయెల్ రూపొం­దిం­చిన ప్రణా­ళి­కను అమెరికా అధ్యక్షుడు డోనాల్డ్ ట్రంప్ వ్యతి­రే­కిం­చి­నట్లు నివే­ది­కలు తెలి­పా­యి. ఇజ్రాయెల్ ప్రధాన మంత్రి బెెంజమిన్ నెతన్యాహు ఇరాన్‌కు చెందిన కీలక మౌలిక సదు­పా­యా­లపై దాడులు చేసేందుకు తమ సైనిక బల­గా­లను సిద్ధం చేశారు.

అయితే రాబోయే మధ్యంతర ఎన్నికల ముందు ఇటువంటి పెద్ద ఎత్తున సైనిక చర్యలు చేపట్టడం సరి­కా­దని ట్రంప్ ఇజ్రా­యె­ల్‌కు స్పష్టం చేసినట్లు తెలు­స్తోం­ది. ఇరాన్ అణు కార్య­క్ర­మం, అమెరికా ఆంక్షలకు సంబంధించి రెండు దేశాల నడుమ ఉన్న దౌత్య­ప­ర­మైన వివాదాలు ఇప్పటికీ పరిష్కారం కాలేదు.

మధ్య­ప్రా­చ్యంలో ఇజ్రా­యె­ల్, ఇరాన్ మధ్య దశా­బ్దా­లుగా తీవ్రమైన ఉద్రి­క్త­తలు కొన­సా­గు­తు­న్నా­యి. ఇరాన్ అణు సామర్థ్యాన్ని విస్త­రిం­చ­కుండా నిరో­ధిం­చేం­దుకు ఇజ్రాయెల్ సైనిక చర్యలకు సిద్ధ­మ­వు­తుం­డ­గా, అమెరికా ఆంక్షలు మరియు దౌత్య మార్గాల ద్వారా ఒత్తిడి తెచ్చేందుకు ప్రయ­త్ని­స్తోం­ది.

అంత­ర్జా­తీయ రాజ­కీ­యాల్లో చోటు­చే­సు­కుం­టున్న ఈ పరి­ణా­మాలు ప్రపంచ చమురు సరఫరా మరియు ప్రపంచ ఆర్థిక వ్యవస్థపై ప్రభావం చూపే అవకాశం ఉండటంతో అంత­ర్జా­తీయ సమాజం ఈ పరి­స్థి­తు­లను నిశితంగా గమ­ని­స్తోం­ది.