కోరుట్లలో ఘనంగా పండుగ సాయన్న ముదిరాజ్ 174వ జయంతి

బహుజన పోరాట యోధుడు, నిరు­పే­దల ఆశాజ్యోతి పండుగ సాయన్న ముదిరాజ్ 174వ జయంతి వేడు­క­లను కోరుట్ల పట్ట­ణం­లోని కార్గిల్ చౌరస్తాలో ఘనంగా నిర్వ­హిం­చా­రు. తెలంగాణ ప్రభుత్వం అధి­కా­రి­కంగా నిర్వ­హి­స్తున్న ఈ వేడుకల సందర్భంగా ముదిరాజ్ మహాసభ జిల్లా యువ అధ్య­క్షు­లు, బీజేపీ ఓబీసీ మోర్చా జిల్లా ప్రధాన కార్యదర్శి ఉరుమడ్ల చరణ్ ఆధ్వర్యంలో నాయకులు సాయన్న చిత్ర­ప­టా­నికి పూల­మా­లలు వేసి ఘన నివా­ళు­ల­ర్పిం­చా­రు. ఈ సందర్భంగా ఉరుమడ్ల చరణ్ మాట్లా­డు­తూ.. అన్యా­యా­లు, పాలకుల దోపిడీకి వ్యతి­రే­కంగా పోరాడి, పేదల ఆకలి తీర్చడం కోసం, బలహీన వర్గాల ఆత్మ­గౌ­రవం కోసం తన జీవితాన్నే త్యాగం చేసిన మహ­నీ­యుడు పండుగ సాయన్న అని కొని­యా­డా­రు. ఆయన సాగించిన ఉద్యమ స్ఫూర్తి తెలంగాణ చరిత్రలో చిర­స్థా­యిగా నిలు­స్తుం­ద­ని, నేటి యువత ఆయన ఆశ­యా­లను ఆదర్శంగా తీసు­కో­వా­లని పిలు­పు­ని­చ్చా­రు. కార్య­క్ర­మంలో ముదిరాజ్ సంఘం నాయ­కు­లు, సభ్యులు పెద్ద సంఖ్యలో పాల్గొ­న్నా­రు.