ఏఐ కంపెనీల అప్పుల భయం: షార్ట్ సెల్లర్లకు రూ. 50 వేల కోట్ల లాభాలు

కృత్రిమ మేధ (AI) మౌలిక సదు­పా­యాల కల్పన కోసం అమెరికా కంపెనీలు భారీగా అప్పులు చేస్తుం­డ­టంతో పెట్టు­బ­డి­దా­రు­లలో తీవ్ర ఆందోళన వ్యక్త­మ­వు­తోం­ది. ఈ రుణాల భారం భవి­ష్య­త్తులో కంపెనీల మను­గ­డపై ప్రభావం చూపు­తుం­దనే భయాలతో నియో­క్లౌ­డ్, డేటా సెంటర్ కంపెనీల షేర్లు తీవ్రంగా పడి­పో­యా­యి. దీనిని అను­కూ­లంగా మార్చుకున్న షార్ట్ సెల్లర్లు అక్టోబర్ నెలలో ఏకంగా 6 బిలియన్ డాలర్ల (దాదాపు రూ. 50,000 కోట్లు) లాభాలను గడిం­చా­రు.

మార్కెట్ డేటా ప్రకారం, కోర్‌వీవ్ (CoreWeave), నెబియస్ గ్రూప్ (Nebius Group) వంటి ప్రధాన ఏఐ క్లౌడ్ సంస్థల షార్ట్ ఇంటరెస్ట్ భారీగా పెరి­గిం­ది. అక్టోబర్ నెలలో కోర్‌వీవ్ షేర్లు దాదాపు 30 శాతం వరకు క్షీణిం­చా­యి. షేర్ల పతనంపై ట్రేడర్లు పెట్టిన షార్ట్ పొజిషన్ల ద్వారా కోర్‌వీవ్ నుంచి 1.7 బిలియన్ డాలర్లు, నెబియస్ షేర్ల పతనం వల్ల 2.94 బిలియన్ డాలర్ల లాభాలు షార్ట్ సెల్లర్లకు లభిం­చా­యి.

డేటా సెంటర్లు, ఏఐ ప్రాజెక్టుల కోసం భారీగా అప్పులు చేస్తు­న్న­ప్ప­టి­కీ, వాటి నుంచి ఆశించిన స్థాయిలో ఆదాయాలు రాక­పో­వ­డంపై మార్కెట్ విశ్లే­ష­కులు సందేహాలు వ్యక్తం చేస్తు­న్నా­రు. వడ్డీ రేట్లు పెర­గ­డంతో పాటు ఆర్థిక ఒత్తిళ్లు పెరగడం ఈ రంగానికి చెందిన కంపె­నీ­లపై ప్రతికూల ప్రభావం చూపు­తోం­ది.

వాటా మార్కెట్లలో షేర్ ధర పడి­పో­తుం­దని అంచనా వేసి లాభాలు పొందడాన్ని 'షార్ట్ సెల్లింగ్' అంటారు. ప్రపం­చ­వ్యా­ప్తంగా ఏఐ రరంగంలో పెట్టు­బ­డులు పెడుతున్న టెక్ ఇన్వె­స్ట­ర్లకు ఈ పరి­ణా­మాలు కీలక సూచికగా మారాయి.