అక్టోబర్ 26, 27 తేదీల్లో ఢిల్లీలో బ్రిక్స్ పార్లమెంటరీ ఫోరమ్ భేటీ

ఢిల్లీలోని సంవిధాన్ సదాన్ సెంట్రల్ హాల్ వేదికగా అక్టోబర్ 26, 27 తేదీలలో 12వ 'బ్రిక్స్ పార్ల­మెం­టరీ ఫోరమ్' సమావేశం జర­గ­నుం­ది. పార్లమెంట్ హౌస్‌లో ఏర్పాటు చేసిన విలే­క­రుల సమా­వే­శంలో లోక్‌సభ స్పీకర్ ఓం బిర్లా ఈ వివ­రా­లను వెల్ల­డిం­చా­రు. భారత పార్ల­మెం­టరీ దౌత్య చరిత్రలో ఈ భేటీ ఒక కొత్త అధ్యా­య­మని ఆయన అభి­వ­ర్ణిం­చా­రు.

ఈ అంత­ర్జా­తీయ సదస్సుకు ప్రధా­న­మంత్రి నరేంద్ర మోదీ హాజరై వివిధ దేశాల నుంచి విచ్చేసే ప్రతి­ని­ధు­లతో మాట్లా­డ­ను­న్నా­రు. 'ప్రజా కేంద్రక అభివృద్ధి కోసం పార్లమెంట్ల బలో­పే­తం' అనే ప్రధాన ఇతి­వృ­త్తంతో ఈ సమా­వే­శాలు సాగ­ను­న్నా­యి. బ్రిక్స్ సభ్య దేశాలు, భాగస్వామ్య దేశాల స్పీకర్లు, పార్ల­మెం­టరీ ప్రతి­ని­ధు­లు, కేంద్ర మంత్రులు, రాజ్యసభ డిప్యూటీ ఛైర్మన్ హరివంశ్ సహా పలువురు ప్రముఖులు ఈ భేటీలో పాల్గొని పలు కీలక అంశాలపై చర్చిం­చ­ను­న్నా­రు.

ఈ రెండు రోజుల సదస్సులో ఆర్టి­ఫి­షి­యల్ ఇంటె­లి­జెన్స్ (AI), డిజిటల్ సాంకే­తి­క­త, అంత­ర్జా­తీయ పాలనా వ్యవస్థలో సంస్క­ర­ణ­లు, సుస్థి­రా­భి­వృద్ధి తదితర అంశాలపై నాలుగు ప్రత్యేక సెషన్లలో విస్తృతంగా చర్చిం­చ­ను­న్నా­రు. సదస్సుకు ముందు రోజు, అక్టోబర్ 25న ప్రతి­ని­ధుల కార్య­ద­ర్శుల సమావేశం జరిగి ఉమ్మడి డిక్ల­రే­ష­న్‌ను ఖరారు చేస్తారు.

మరో­వై­పు, పార్లమెంట్ వర్షాకాల సమా­వే­శాల వాయిదాలో ఆలస్యంపై వచ్చిన ప్రశ్నలను స్పీకర్ ఓం బిర్లా దాట­వే­శా­రు. అలాగే నియో­జ­క­వ­ర్గాల పున­ర్వి­భ­జన చట్టంపై చర్చిం­చేం­దుకు ప్రత్యేక సమా­వే­శాలు నిర్వ­హి­స్తా­రనే ఊహా­గా­నా­లపై కూడా ఆయన స్పందిం­చ­లే­దు. బ్రిక్స్ అనేది ప్రపం­చం­లోని ఉత్పాదక మరియు అభివృద్ధి చెందుతున్న ప్రధాన ఆర్థిక వ్యవస్థల కూటమిగా పని­చే­స్తోం­ది.