ప్రధాన కంటెంట్‌కు వెళ్లండి
నిపుణ్ న్యూస్

బయ్యారం ప్రధాన జాతీయ రహదారిపై ఎగ్జిట్ లు ఏర్పాటు చేయాలి.. సిపిఎం జిల్లా కార్యదర్శి వర్గ సభ్యులు కుంట ఉపేందర్..

కొమ్మనబోయిన యాకయ్య యాదవ్

నగర / పట్టణ రిపోర్టర్ · తొర్రూరు

· 1 నిమిషాల చదువు

షేర్
ఈ వార్త ఇంగ్లీష్‌లో →
బయ్యారం ప్రధాన జాతీయ రహదారిపై ఎగ్జిట్ లు ఏర్పాటు చేయాలి.. సిపిఎం జిల్లా కార్యదర్శి వర్గ సభ్యులు కుంట ఉపేందర్..

మహబూబాబాద్ జిల్లా బయ్యారం నవంబర్ 06../

జాతీయ రహదారి 4వ లైన్ వి‌స్తరణ పనులలో భాగంగా బయ్యారం మండల కేంద్రంలో మూడు ఎగ్జిట్లు ఏర్పాటు చేయాలని సిపిఎం జిల్లా కార్యదర్శి వర్గ సభ్యులు కుంట ఉపేందర్ డిమాండ్ చేశారు. శుక్రవారం సిపిఎం మండల కమిటీ ఆధ్వర్యంలో బస్టాండ్ సెంటర్లో మండల కేంద్రంలో మూడు ఎగ్జిట్లు ఏర్పాటు చేయాలని డిమాండ్ చేస్తూ రాస్తారోకో నిర్వహించారు. ఈ సందర్భంగా సిపిఎం జిల్లా కార్యదర్శి వర్గ సభ్యులు కుంట ఉపేందర్, జిల్లా కమిటీ సభ్యులు మండా రాజన్న, మండల కార్యదర్శి నంబూరి మధు లు మాట్లాడారు. హైదరాబాద్ నుండి భద్రాచలం వరకు జాతీయ రహదారి 930 ప్రాజెక్టులో భాగంగా 2,470 కోట్లతో రహదారి 4వ లైన్ విస్తరణ పనులు చెపట్టారని తెలిపారు. ఇందులో మండల కేంద్రంలో 4 కీలోమీటర్ల మధ్యన ఎగ్జిట్లు లేకపోవడం వల్ల రాకపోకలకు ప్రజానీకం అనేక ఇబ్బందులు ఎదుర్కోవాల్సి వస్తుందని ఆవేదన వ్యక్తం చేశారు. గుండ్రాతిమడుగు రైల్వే స్టేషన్, బంజరుతండా, జగ్గుతండా ప్రజలు మండల కార్యాలయాలకు, పోలిస్ స్టేషన్ కు మరియు విద్యా వైద్యం కోసం వెళ్ళాలంటే సూదూరం ప్రయాణించాల్సి వస్తుందని, చిరు వ్యాపారులు దెబ్బ తింటాయని తెలిపారు. మండల ప్రజానీకం ప్రయాణాలకు బస్టాండు కు చేరుకోవటానికి, ఉన్నత చదువులు, మెరుగైన వైద్యం కోసం వెళ్ళాలన్న కూడా పలు అవస్థలు ఎదుర్కోవాల్సి వస్తుందని కాబట్టి ప్రజల ప్రయోజనం కోసం సంత రోడ్డు, బస్టాండ్ సెంటర్, రామాలయం వద్ద మూడు ఎగ్జిట్లు ఏర్పాటు చేయాలని డిమాండ్ చేశారు. లేని యెడల వివిధ రాజకీయ పార్టీలు, ప్రజా ప్రతినిధులు, ప్రజానీకంతో కలిసి పెద్ద ఎత్తున ఉద్యమిస్తామని హెచ్చరించారు. ఈ కార్యక్రమంలో సిపిఎం మండల నాయకులు అంగిరేకుల నాగేశ్వరరావు, నిడికొండ చంటి, మంకెన తిరుపతిరావు, యాకూబ్, రాము, కన్నయ్య, బుజ్జిబాబు, మారయ్య, రాంరెడ్డి వార్డు సభ్యులు కత్తి రమేష్, గుగులోత్ రూపేష్ తదితరులు పాల్గొన్నారు.

ఆధారం: కొమ్మనబోయిన యాకయ్య యాదవ్

ఈ వార్తను మా రిపోర్టర్ అందించిన సమాచారం ఆధారంగా AI సహాయంతో రాసి, ఎడిటర్ పరిశీలించి ప్రచురించారు.

📲 మరిన్ని వార్తల కోసం నిపుణ్ న్యూస్ యాప్ డౌన్‌లోడ్ చేసుకోండి

సంబంధిత వార్తలు