పిల్లల్లో పండ్లు తింటే డిప్రెషన్ తగ్గుతుందని సిడ్నీ వర్సిటీ అధ్యయనం వెల్లడి

టీనేజర్ల ఆహారపు అల­వా­ట్ల­కు, వారి మానసిక ఆరో­గ్యా­నికి దగ్గరి సంబంధం ఉందని ఆస్ట్రే­లి­యా­లోని సిడ్నీ విశ్వ­వి­ద్యా­లయ పరి­శో­ధ­కుల అధ్య­య­నంలో వెల్ల­డైం­ది. పిల్లలు రోజూ క్రమం తప్పకుండా పండ్లు తీసు­కో­వడం వల్ల మానసిక సమస్యల బారిన పడే ప్రమాదం గణ­నీ­యంగా తగ్గు­తుం­దని ఈ పరి­శో­ధన పేర్కొంది. ఈ అధ్యయన వివరాలు 'చైల్డ్ అండ్ అడో­లె­సెంట్ మెంటల్ హెల్త్' అనే శాస్త్రీయ జర్నల్‌లో ప్రచు­రి­త­మ­య్యా­యి.

సిడ్నీ వర్సిటీ పరి­శో­ధ­కు­రాలు డాక్టర్ లిల్లీ డేవిడ్సన్ నేతృత్వంలో ఈ అధ్యయనం సాగింది. ఇందులో భాగంగా 71 పాఠ­శా­ల­లకు చెందిన 6,537 మంది టీనే­జ­ర్లను మూడేళ్ల పాటు (7వ తరగతి నుంచి 10వ తరగతి వరకు) నిశితంగా పరి­శీ­లిం­చా­రు. రోజూ తమ ఆహారంలో అదనంగా ఒక పండు తినే పిల్లల్లో డిప్రెషన్ ముప్పు 13 శాతం, ఆందోళన కలిగే ప్రమాదం 7 శాతం తగ్గు­తు­న్నట్లు నిపుణులు గుర్తిం­చా­రు.

అదే సమయంలో తీపి పానీ­యా­లు, కూల్ డ్రింక్స్ ఎక్కువగా తాగే పిల్లల్లో ఆందోళన లక్షణాలు పెరు­గు­తు­న్నా­యని అధ్యయనం హెచ్చ­రిం­చిం­ది. ముఖ్యంగా మగ పిల్లల్లో ఈ ప్రభావం ఎక్కువగా కని­పి­స్తు­న్నట్లు పరి­శో­ధ­కులు తెలి­పా­రు. టీనేజ్ వయసులో ఆహార అల­వా­ట్లలో చేసుకునే చిన్నపాటి మంచి మార్పులు పిల్లల మానసిక ఆరోగ్యాన్ని కాపా­డ­టంలో కీలక పాత్ర పోషి­స్తా­యని డాక్టర్ లిల్లీ డేవిడ్సన్ వివ­రిం­చా­రు.

ప్రస్తుత కాలంలో చిన్నా­రు­లు, కౌమా­ర­ద­శలో ఉన్న విద్యార్థులు తీవ్ర ఒత్తిడికి లోన­వు­తు­న్నా­రు. తల్లి­దం­డ్రులు తమ పిల్లల ఆహార అల­వా­ట్లపై దృష్టి సారించి జంక్ ఫుడ్, చక్కెర పానీ­యా­లను తగ్గించి, పండ్లను అలవాటు చేయడం వారి మానసిక వికా­సా­నికి ఎంతో అవ­స­ర­మని ఈ అధ్యయనం స్పష్టం చేస్తోంది.