రష్యా ఉక్రెయిన్ యుద్ధంలో అరుదైన ఘట్టం: భారీ డ్రోన్‌ ద్వారా గాయపడిన సైనికుడి ఎయిర్‌లిఫ్ట్

రష్యా-­ఉ­క్రె­యిన్ యుద్ధ­భూ­మిలో సాంకేతిక పరిజ్ఞానం కొత్త రికా­ర్డు­లను సృష్టి­స్తోం­ది. పోరాటంలో తీవ్రంగా గాయ­ప­డిన ఒక సైని­కు­డిని ఉక్రెయిన్ బలగాలు భారీ హెక్సా­కా­ప్టర్ డ్రోన్ సాయంతో సురక్షిత ప్రాంతానికి ఎయి­ర్‌­లిఫ్ట్ చేశాయి. సైనిక చరి­త్ర­లోనే డ్రోన్‌ ద్వారా మనిషిని సుర­క్షి­తంగా కాపాడటం ఇదే తొలిసారి కావడం గమ­నా­ర్హం.

యుద్ధ­రం­గంలో ఎటు చూసినా మందు­పా­త­రలు ఉండటం, శత్రువుల నిరంతర దాడులు, నిఘా తీవ్రంగా ఉండటంతో సంప్రదాయ రెస్క్యూ వాహనాలు గాయ­ప­డిన సైనికుడి వద్దకు వెళ్లలేని పరిస్థితి ఏర్ప­డిం­ది. దీంతో ఉక్రెయిన్ సైన్యానికి చెందిన 92వ సెపరేట్ అసాల్ట్ బ్రిగేడ్ దళాలు ఈ అరుదైన ఆప­రే­ష­న్‌ను ప్రారం­భిం­చా­యి.

గాయ­ప­డిన సైని­కు­డిని కాపా­డేం­దుకు ప్రత్యేక పరి­క­రంతో కూడిన భారీ హెక్సా­కా­ప్టర్ డ్రోన్‌ను రంగంలోకి దించారు. డ్రోన్‌కు ఉన్న ప్రత్యేక హార్నెస్ సాయంతో సైని­కు­డిని సుర­క్షి­తంగా గాల్లోకి ఎత్తి, రిమోట్ ఆప­రే­టర్ల ద్వారా ఆసు­ప­త్రికి తర­లిం­చా­రు.

ప్రస్తుతం ఆ సైని­కు­డికి వైద్యులు చికిత్స అంది­స్తు­న్నా­ర­ని, ఎలాంటి ప్రాణాపాయం లేదని తెలి­సిం­ది. యుద్ధ­రం­గంలో ప్రాణ­ర­క్షణ కోసం డ్రోన్లను ఈ విధంగా ఉప­యో­గిం­చ­డంపై అంత­ర్జా­తీ­యంగా తీవ్ర ఆసక్తి వ్యక్త­మ­వు­తోం­ది.