మహీంద్రా నుంచి కొత్త ఎస్‌యూవీ బొలేరో బోల్డ్ గ్రాండ్ ల్యాంచ్

ప్రముఖ వాహన తయారీ సంస్థ మహీంద్రా అండ్ మహీంద్రా భారత మార్కెట్లోకి కొత్త ఎస్‌­యూ­వీని అధి­కా­రి­కంగా విడుదల చేసింది. బొలేరో బోల్డ్ పేరుతో ఈ శక్తి­వం­త­మైన మోడల్‌ను విని­యో­గ­దా­రుల ముందుకు తీసు­కొ­చ్చిం­ది. గ్రామీణ, పట్టణ విని­యో­గ­దా­రు­లను విశేషంగా ఆక­ట్టు­కు­నేలా దీని రూప­క­ల్పన సాగింది. దేశ­వ్యా­ప్తంగా ఉన్న మహీంద్రా షోరూ­మ్‌­లలో ఈ కొత్త మోడల్ బుకింగ్స్ త్వరలోనే ప్రారంభం కాను­న్నా­యని కంపెనీ ప్రతి­ని­ధులు స్పష్టం చేశారు.

ఈ కొత్త బోల్డ్ ఎడి­ష­న్‌ను ఆక­ర్ష­ణీ­య­మైన ఎక్స్‌­టీ­రి­య­ర్, ఇంటీ­రి­యర్ మార్పులతో ప్రత్యేకంగా రూపొం­దిం­చా­రు. ప్రధానంగా బ్లాక్ అండ్ బ్రాంజ్ థీమ్‌తో ఈ వాహనాన్ని తీర్చి­ది­ద్దా­రు. ఎక్స్‌­టీ­రి­యర్ విభాగంలో బ్రాంజ్ ఇన్స­ర్ట్‌­లతో కూడిన ఫ్రంట్ గ్రిల్, ఫోగ్ లాంప్ సరౌండ్స్, రూఫ్ రైల్స్, డ్యూయల్ టోన్ సైడ్ క్లాడింగ్, 15 అంగుళాల అలాయ్ వీల్స్ మరియు ప్రత్యేక 'బోల్డ్ ఎడి­ష­న్' బ్యాడ్జింగ్‌ను అందిం­చా­రు.

క్యాబిన్ లోపల నలుపు మరియు బ్రాంజ్ కాంబి­నే­ష­న్‌తో కూడిన డ్యూయల్ టోన్ లెదరెట్ సీట్ అప్‌­హో­ల్‌­స్ట­రీ, ప్రత్యేక ఫ్లోర్ మ్యాట్స్‌ను ఇచ్చారు. డ్రైవర్లకు పార్కింగ్ సుల­భ­తరం చేసేందుకు వీలుగా రియ­ర్-వ్యూ కెమెరాను కూడా ఈ ప్యాకేజీలో చేర్చారు. ఇంజిన్, ఇతర సాంకేతిక వివరాల్లో ఎలాంటి మార్పులు లేవని తెలు­స్తోం­ది.

తెలుగు రాష్ట్రాల్లోని గ్రామీణ, పట్టణ ప్రాంతాల్లో బొలేరో వాహ­నా­లకు మంచి ఆదరణ ఉంది. రాబోయే పండుగ సీజన్‌లో కొత్త కారు కొనుగోలు చేయా­ల­ను­కునే విని­యో­గ­దా­రు­లకు ఈ కొత్త ఎడిషన్ మంచి ఎంపికగా నిల­వ­నుం­ది.