ఎంబీబీఎస్ సీట్ల కేటాయింపుపై అసత్య ప్రచారాలను ఖండించిన ఎన్టీఆర్ హెల్త్ యూనివర్సిటీ

ఆంధ్ర­ప్ర­దేశ్ లో ఎంబీ­బీ­ఎస్ సీట్ల కేటా­యిం­పుపై జరు­గు­తున్న అసత్య ప్రచా­రా­లను డాక్టర్ ఎన్టీఆర్ ఆరోగ్య విశ్వ­వి­ద్యా­లయం తీవ్రంగా ఖండిం­చిం­ది. ప్రవేశాల ప్రక్రియ అత్యంత పార­ద­ర్శ­కంగా జరి­గిం­ద­ని, రిజర్వుడ్ కేటగిరీ విద్యా­ర్థు­లకు ఎలాంటి అన్యాయం జర­గ­లే­దని స్పష్టం చేసింది. ఈ మేరకు వర్సిటీ రిజిస్ట్రార్ డాక్టర్ టి. సాయి సుధీర్ ఒక ప్రకటన విడుదల చేశారు.

2026–27 విద్యా సంవ­త్స­రా­నికి సంబంధించి మూడు విడతల ఎంబీ­బీ­ఎస్ కౌన్సెలింగ్ పూర్త­య్యే­స­రికి రిజర్వుడ్ వర్గాలకు పెద్దపీట వేసినట్లు రిజిస్ట్రార్ తెలి­పా­రు. కన్వీనర్ కోటాలోని మొత్తం 4,581 సీట్లలో 3,543 సీట్లను ఎస్సీ, ఎస్టీ, బీసీ వర్గాలకు చెందిన విద్యా­ర్థు­లకే కేటా­యిం­చి­నట్లు వెల్ల­డిం­చా­రు. మొత్తం సీట్లలో ఇది 77.34 శాతమని ఆయన వివ­రిం­చా­రు.

ఓపెన్ కేట­గి­రీ­లోని మొత్తం 2,026 సీట్లలో 1,213 సీట్లను (59.87 శాతం) మెరిట్ ఆధారంగా రిజర్వ్‌డ్ కేటగిరీ అభ్యర్థులే సాధిం­చా­రని వర్సిటీ తెలి­పిం­ది. ఇది గతేడాది నమోదైన 51.57 శాతం కంటే గణ­నీ­యంగా పెరి­గిం­దని పేర్కొంది. జీవో 102 అమలు వల్ల రిజర్వ్‌డ్ కేటగిరీ విద్యా­ర్థు­లకు అన్యాయం జరి­గిం­దంటూ వస్తున్న ఆరో­ప­ణ­లను రిజిస్ట్రార్ తోసి­పు­చ్చా­రు.

ఒకవేళ ఓపెన్ కేట­గి­రీలో సీటు సాధించిన రిజర్వ్‌డ్ వర్గానికి చెందిన ప్రతి­భా­వం­తు­డైన అభ్యర్థి ఆ సీటును వదు­లు­కుం­టే, ఆ ఖాళీని నిబం­ధ­నల ప్రకారం సంబంధిత రిజర్వ్‌డ్ కేట­గి­రీకి చెందిన తదుపరి అభ్య­ర్థి­తోనే భర్తీ చేస్తామని అధి­కా­రులు వివ­రిం­చా­రు. రాజ్యాం­గ­బ­ద్ధ­మైన రిజ­ర్వే­ష­న్లకు అను­గు­ణం­గానే ఈ కేటా­యిం­పులు జరి­గా­యని స్పష్టం చేశారు.