నీట్ యుజి తుది విడత కౌన్సెలింగ్ ముగిసినా 800కి పైగా ఎంబీబీఎస్ సీట్లు ఖాళీ

దేశ­వ్యా­ప్తంగా నీట్ యుజి కౌన్సెలింగ్ ప్రక్రియ పూర్తయిన తర్వాత కూడా 800కి పైగా ఎంబీ­బీ­ఎస్ సీట్లు ఖాళీగా మిగి­లి­పో­యా­యి. మెడికల్ కౌన్సెలింగ్ కమిటీ (ఎం­సీ­సీ) నిర్వ­హిం­చిన చివరి విడత లేదా స్ట్రే వేకెన్సీ రౌండ్ ముగిసిన అనంతరం ఈ పరిస్థితి స్పష్ట­మైం­ది.

స్ట్రే వేకెన్సీ రౌండ్‌లో అందు­బా­టులో ఉన్న మొత్తం 3,426 ఎంబీ­బీ­ఎస్ ఖాళీ సీట్లలో 837 సీట్లు కేటా­యిం­చ­బ­డ­లే­దు. వీటిలో అత్య­ధి­కంగా 824 సీట్లు డీమ్డ్ యూని­వ­ర్సి­టీ­ల్లోనే ఖాళీగా ఉండి­పో­వడం గమ­నా­ర్హం. ముఖ్యంగా తమి­ళ­నా­డు, పుదు­చ్చే­రి­లోని డీమ్డ్ మెడికల్ కాలేజీల్లో వార్షిక ట్యూషన్ ఫీజులు రూ. 23 లక్షల నుంచి రూ. 35 లక్షల వరకు భారీగా ఉండటమే ఇందుకు ప్రధాన కార­ణ­మని విశ్లే­ష­కులు భావి­స్తు­న్నా­రు.

ఈ రౌండ్‌లో సీట్లు పొందిన అభ్యర్థులు అక్టోబర్ 19 నుంచి అక్టోబర్ 26 మధ్య సంబంధిత కళా­శా­లల్లో చేరి అడ్మిషన్ ప్రక్రియను పూర్తి చేయాల్సి ఉంటుంది. అయితే మిగి­లి­పో­యిన సీట్లను భర్తీ చేసేందుకు వీలుగా మరో ప్రత్యేక కౌన్సెలింగ్ రౌండ్ నిర్వ­హి­స్తారా లేదా అనే అంశంపై సంబంధిత అధి­కా­రులు త్వరలోనే తుది నిర్ణయం తీసు­కో­ను­న్నా­రు.

సాధా­ర­ణంగా ప్రతి ఏటా నీట్ యుజి ద్వారా దేశ­వ్యా­ప్తంగా ఉన్న ప్రభుత్వ, ప్రైవేట్ మరియు డీమ్డ్ వైద్య కళా­శా­లల్లో ఎంబీ­బీ­ఎస్ సీట్లను భర్తీ చేస్తారు. అయితే డీమ్డ్ కాలేజీల్లో అధిక ఫీజుల భారం కారణంగా చివరి నిమి­షం­లోనూ అనేక సీట్లు మిగి­లి­పో­తుం­టా­యి.