రణజీ ట్రోఫీలో బిషన్ సింగ్ బేడీ రికార్డును సమం చేసిన జలజ్ సక్సేనా

రణజీ ట్రోఫీలో కేరళ వెటరన్ ఆఫ్ స్పిన్నర్, ఆల్‌­రౌం­డర్ జలజ్ సక్సేనా అరుదైన ఘనత సాధిం­చా­రు. తిరు­వ­నం­త­పు­రం­లోని గ్రీన్‌ఫీల్డ్ స్టేడియంలో ఒడిషాతో జరిగిన మ్యాచ్‌లో కేరళ జట్టు ఇన్నింగ్స్, 36 పరుగుల తేడాతో విజయం సాధిం­చిం­ది. ఈ మ్యాచ్ రెండో ఇన్నింగ్స్‌లో జలజ్ సక్సేనా 34 పరు­గు­లిచ్చి 5 వికెట్లు పడగొట్టి ప్రత్యర్థిని దెబ్బ­తీ­శా­రు.

ఈ ప్రద­ర్శ­నతో రణజీ ట్రోఫీ చరిత్రలో 35వ సారి ఐదు వికెట్ల ఘనతను సాధించి, భారత మాజీ స్పిన్నర్ బిషన్ సింగ్ బేడీ రికార్డును సక్సేనా సమం చేశారు. రణజీల్లో అత్య­ధి­కంగా 35 సార్లు ఐదు వికెట్లు తీసిన ఐదో బౌలర్‌గా బేడీ సరసన ఆయన నిలి­చా­రు. ఈ జాబితాలో 59 ఫైవ్-­వి­కెట్ హాళ్లతో రాజిందర్ గోయల్ అగ్ర­స్థా­నంలో ఉన్నారు.

అలాగే రణజీ ట్రోఫీలో 20 వేర్వేరు జట్లపై ఐదేసి వికెట్లు పడ­గొ­ట్టిన బౌలర్‌గా జలజ్ సక్సేనా సరికొత్త రికార్డు సృష్టిం­చా­రు. ఒడిషా ఆయన కెరీర్‌లో ఐదు వికెట్లు తీసిన 20వ రణజీ జట్టుగా నిలి­చిం­ది.

ఈ మ్యాచ్‌లో కేరళ తరఫున బ్యాటింగ్‌లో సచిన్ బేబీ, మహమ్మద్ అజ­హ­రు­ద్దీన్ శతకాలు సాధించి జట్టుకు భారీ ఆధిక్యాన్ని అందిం­చా­రు. ఆఖరి రోజున ఒడిషాను 143 పరు­గు­లకే ఆలౌట్ చేసిన కేరళ ఇన్నింగ్స్ విజయాన్ని అందుకుని 7 పాయింట్లను తన ఖాతాలో వేసు­కుం­ది.