శ్రీనగర్ డీసీకి జమ్మూకశ్మీర్ హైకోర్టు సమన్లు: పీఎస్ఏ నిర్బంధ ఉత్తర్వులపై తీవ్ర ఆగ్రహం

పబ్లిక్ సేఫ్టీ యాక్ట్ (పీ­ఎ­స్­ఏ) కింద ముందస్తు నిర్బంధ ఉత్తర్వులు జారీ చేసే సమయంలో ఎలాంటి విచక్షణ ఉప­యో­గిం­చ­క­పో­వ­డంపై జమ్మూ­క­శ్మీర్ మరియు లడఖ్ హైకోర్టు తీవ్ర ఆగ్రహం వ్యక్తం చేసింది. ఈ వ్యవ­హా­రంలో శ్రీనగర్ డిప్యూటీ కమి­ష­నర్ (డీ­సీ)కి న్యాయస్థానం నేరుగా సమన్లు జారీ చేసింది. కేసు అసలు రికా­ర్డు­లతో అక్టోబర్ 22న స్వయంగా కోర్టు ముందు హాజ­రు­కా­వా­లని ఆదే­శిం­చిం­ది.

జుబేర్ అమీన్ బంగ్లూ అనే వ్యక్తి దాఖలు చేసిన హెబియస్ కార్పస్ పిటి­ష­న్‌ను జస్టిస్ వసీం సాదిక్ నార్గల్ ధర్మాసనం విచా­రిం­చిం­ది. ఉగ్రవాద మూల­కా­లకు మద్దతు ఇచ్చారన్న ఆరో­ప­ణ­లపై బంగ్లూపై శ్రీనగర్ డీసీ నిర్బంధ ఉత్తర్వులు జారీ చేశారు. అయితే ఆరో­ప­ణల స్వభావం, నిర్బం­ధా­నికి చూపిన ఆధారాల్లో స్పష్టమైన వివరాలు లేక­పో­వ­డంపై జస్టిస్ నార్గల్ ఆందోళన వ్యక్తం చేశారు.

పోలీసు డోసి­య­ర్‌­లోని ఆరో­ప­ణ­లను స్వతంత్రంగా పరి­శీ­లిం­చ­కుం­డా, యథా­త­థంగా నమోదు చేస్తూ ఉత్తర్వులు ఇవ్వడంపై స్పష్టత ఇవ్వాలని హైకోర్టు ఆదే­శిం­చిం­ది. నిర్బంధ ఉత్తర్వుల రూప­క­ల్పన తీరుపై అంతర్గత విరు­ద్ధ­తలు ఉన్నా­య­ని, అధి­కా­రులు బాధ్య­తా­రా­హి­త్యంగా వ్యవ­హ­రిం­చా­రని న్యాయమూర్తి మండి­ప­డ్డా­రు. పీఎస్ఏ ఉత్తర్వుల రూప­క­ల్పన తీరుపై మరింత విచారణ అవ­స­ర­మని స్పష్టం చేశారు.

డీసీ స్వయంగా హాజరై, పోలీసు డోసియర్ ఆధారంగా ఏ విధంగా సంతృప్తి చెంది నిర్బంధ ఉత్తర్వులు జారీ చేశారో వివరణ ఇవ్వాలని కోర్టు ఆదే­శిం­చిం­ది. ఈ కేసు విచా­ర­ణను ధర్మాసనం తదుపరి తేదీకి వాయిదా వేసింది. పీఎస్ఏ వంటి కఠిన చట్టాలను అమలు చేసే­ట­ప్పుడు అధి­కా­రులు తగిన విచక్షణ పాటిం­చా­లన్న అంశంపై ఈ తీర్పు ప్రాధాన్యం సంత­రిం­చు­కుం­ది.