బంధువుకు రూ.2 లక్షల అప్పు ఇచ్చి ఇబ్బందుల్లో పడ్డ వ్యక్తి

ఆపదలో ఉన్నాడనే ఉద్దేశంతో ఒక దగ్గరి బంధువుకు ఇచ్చిన రూ.2 లక్షల అప్పు ఒక వ్యక్తి దాంపత్య జీవితంలో తీవ్ర వివా­దా­లకు కార­ణ­మైం­ది. అత్య­వ­స­ర­మని చెప్పి తీసుకున్న ఆ మొత్తాన్ని సదరు బంధువు తిరిగి ఇవ్వ­క­పో­వ­డంతో కుటుంబంలో గొడవలు మొద­ల­య్యా­యి. డబ్బుల విషయమై భార్యా­భ­ర్తల మధ్య మన­స్ప­ర్ధలు పెరిగి, వివాహ బంధం దాదాపు దెబ్బతినే స్థాయికి చేరింది.

ఈ సంఘ­ట­నకు సంబం­ధిం­చిన వివ­రా­లను సదరు వ్యక్తి సోషల్ మీడియా వేదిక 'రె­డ్డి­ట్'లో పంచు­కో­వ­డంతో ఇది నెట్టింట వైరల్‌గా మారింది. ఆ పోస్ట్ ప్రకా­రం.. దంప­తు­లి­ద్దరూ ఉద్యోగాలు చేస్తూ నెలకు రూ.3.5 లక్షలు సంపా­ది­స్తు­న్నా­రు. వైద్య అత్య­వ­సర పరిస్థితి రావడంతో ఉమ్మడి పొదుపు ఖాతా నుంచి రూ.2 లక్షలు అప్పుగా ఇచ్చారు. సమయం గడుస్తున్నా ఆ సొమ్ము తిరిగి రాక­పో­వ­డంతో వారి మధ్య నమ్మకం దెబ్బతిని గొడవలు తీవ్ర­మ­య్యా­యి.

ఈ చేదు అనుభవం వల్ల కుటుంబ ఆర్థిక వ్యవ­హా­రాల నిర్వ­హ­ణపై తన ఆలోచనా విధానం పూర్తిగా మారి­పో­యిం­దని బాధితుడు పేర్కొ­న్నా­రు. బంధు­వు­లతో ఆర్థిక లావా­దే­వీలు జరి­పే­ట­ప్పుడు అత్యంత జాగ్రత్తగా ఉండాలని ఆయన సూచిం­చా­రు. ప్రస్తుతం తన ముందున్న మార్గం తెలియక అయో­మ­యంలో పడ్డానని ఆవేదన వ్యక్తం చేశారు.

సాధా­ర­ణంగా కుటుంబ సభ్యులు లేదా దగ్గరి బంధు­వు­లతో జరిపే ఆర్థిక లావా­దే­వీల్లో సరైన సమ­యా­నికి డబ్బులు తిరిగి రాకపోతే వ్యక్తిగత బంధాలు తీవ్రంగా ప్రభా­వి­త­మ­వు­తా­యని ఈ ఘటన స్పష్టం చేస్తోంది.