ఫ్రెంచ్ ఓపెన్: ప్రపంచ 2వ ర్యాంకర్ యామగూచికి అశ్మిత షాక్

ఫ్రెంచ్ ఓపెన్ బ్యాడ్మింటన్ టోర్నీలో భారత అన్‌­సీ­డెడ్ షట్లర్ అశ్మిత చలిహా అద్భుత సంచలనం సృష్టిం­చిం­ది. పారిస్‌లో జరు­గు­తున్న ఈ టోర్నీ మహిళల సింగిల్స్ రెండో రౌండ్ విభాగంలో ప్రపంచ రెండో ర్యాంకర్, జపాన్ స్టార్ ప్లేయర్ అకానే యామ­గూ­చిపై ఆమె అనూహ్య విజయం సాధిం­చిం­ది.

37 నిమిషాల పాటు సాగిన ఈ మ్యాచ్‌లో అశ్మిత 21-19, 21-18 తేడాతో వరుస సెట్లలో యామ­గూ­చిని ఓడిం­చిం­ది. అద్భుత ఆట­తీ­రుతో ఈ గెలుపును అందుకున్న అశ్మిత క్వార్టర్ ఫైనల్‌కు అర్హత సాధించి అందరినీ ఆశ్చ­ర్య­ప­రి­చిం­ది. తన కెరీర్‌లో టాప్-5 క్రీడా­కా­రి­ణిపై అశ్మిత గెలవడం ఇదే తొలిసారి కావడం విశేషం.

మరోవైపు భారత స్టార్ ప్లేయర్ పి.వి. సింధు కూడా ఫ్రెంచ్ ఓపెన్ క్వార్టర్స్‌కు చేరు­కుం­ది. జపాన్‌కు చెందిన రికో గుంజీతో జరిగిన రౌండ్ మ్యాచ్‌లో సింధు 21-12, 21-16 తేడాతో సునాయాస విజయం సాధిం­చిం­ది. వీరిద్దరూ ఇక క్వార్టర్ ఫైనల్స్ మ్యాచ్‌లలో తమ ప్రత్య­ర్థు­లతో తల­ప­డ­ను­న్నా­రు.

ఇతర మ్యాచ్‌లలో భారత యువ షట్లర్ తన్వి శర్మ ప్రపంచ నంబర్ వన్ క్రీడా­కా­రిణి అన్ సే యంగ్ చేతిలో 11-21, 14-21 తేడాతో ఓటమి పాలైంది. పురుషుల సింగిల్స్‌లో ఆయుష్ శెట్టి గాయం కారణంగా మ్యాచ్ మధ్యలోనే తప్పు­కు­న్నా­డు.